أستاذ حسام فؤاد مدرس مادة اللغة الإنجليزية والمترجم بمنصة tEDx في حوار خاص للرأي العام كل مايخص طالب المرحلة الثانوية 

حوار : حسن الشحات

في حوار سابق للرأي العام المصري  مع الاستاذ حسام فؤاد مدرس اللغة الانجليزية والمترجم بمنصة tEDx  عن كل مايخص  النظام الجديد وطريقة تدريسه كان لنا هذا الحوار الجديد  عن كل مايخص طالب المرحلة الثانوية العامة

*هل مرحلة  الثانويه العامه بتأثر في شخصيه الطالب ازاي ؟

-الطالب بيكون في مرحله تكوين شخصيته فأنت اللي محتاج تتعامل مع النقطه دي وتتعامل مع المناهج لازم الاول اكون شخصيه تكون سويه يفيدني ويفيد المجتمع

* بنتعامل من ناحيه الشخصيه بنحاول نقوي من الطالب اولا قبل العمليه التعليميه ومع العمليه التعليميه بنتعامل انها لغه مش ماده واللغه ليها تشعبات كتير نستخدم طريقه محفزة زي طريقه العاب واستخدم التكنولوجيا

*انت ياما الطالب هيحبك وهيحب حصتك ويحب أنه يطور نفسه ف الماده ياما هياخد الدرس ك لعبه ؟

-هو في فرق بين ال Gaming و education game s

ال education games هي طرق أو وسائل مخصصه لتعليم انا بدرها كويس هي مخصصه أن الوقت يكون ممتع ومفيد مش للعب

*انت عارف النظام الجديد دلوقتي البور بوينت وكدا انت عارف تلتين المدرسين جيل قديم ميعرفوش يشتغلو عليها؟ اة طبعا

*طب دلوقتي معظم شغلك اونلاين بتابع ازاي الاونلاين؟

-الاونلاين بيكون معايا فريق كامل بيتابع الشغل الحصه بتكون متقسمه كالتالي بيكون جزء شرح اول حصه بيكون حاجات مسجله بتشوف منها الشرح لو انت عايز تكمل اونلاين او اوفلاين و الاونلاين بتكون معاه لايف علي برنامج زي زوم وحاجات تانيه مسجله فأنت حابب تشتغل لايف أو اوفلاين بيكون معاك بعد كل درس بيكون معاك ريكورد ووقت بتسلم فيه الواجب بتاعك ولو في اي مشكله بتابع مع التيم لو في حاجه مش مفهومه لو مفهمتش من التيم بتتواصل معاه شخصيا

*هل الواجب دا مش ممكن حد يغش من كتاب أو غيره؟

-ممكن تغش من الكتاب بس الموضوع بيرجع للشخص وللبيت هو مش هيعرف يسيطر عليه بس الغش بيكون باين لان المستوي بيكون باين وفي تقرير بعد كل حصه وتقرير شهري وريبوت بيتبعت لأولياء الأمور وبيكون ف الحالتين الاونلاين والاوفلاين

*النظام الجديد شايفه كويس للطالب ولا صعب ولا كويس ؟

– النظام الجديد اللغه بتساعده اكتر من العلوم لان البلد مش مؤهله لأن العيوب اكتر من المميزات فالمفروض الاول اجهز بنيه تحتيه وبعدين ابدا اشتغل وكمان لازم اشتغل من السن الصغير وبعدين الكبير مينفعش اطلع لثانوي علي طول بس ميزته أن هو دخلهم ف التكنولوجيا ودي سكتهم وممكن يستخدموها الي حد ما بطريقه صحيحه شويه

*طب بالنسبه للطالب المتوسط ؟

– الطالب المتوسط اعتقد طريقه الامتحانات الجديده بتخليه يفكر

مستوي الامتحان دلواتي بنسبه ٨٠ % بيخليك تفكر وفي ماده الانجليزي خصيصا وثانوي تحديدا مببقاش يسالو غير علي التفكير النقدي انك تتسال سؤال ف شابتر معين والسؤال بيدل علي ايه فالطالب بيستخدم اللي درسه وبيستخدم جرامر والكلمات وكله عشان تكلم عن حاجه انت مش عارفها أو مش فاهمها بأسلوبك ورأيك ودي ميزه

*حضرتك  كمدرس شايف النظام الجديد مفيد ام العكس؟

بالنسبه ليا انا كمدرس شايف النظام ممكن يخدم الناس المتخصصين هما اللي يشتغلو مش اي حد يشتغل ودي مشكله بتقابل المدرسين كتير في البدايه احنا بندرس الانجلش ١٢ سنه ومش بنعرف نكلمه

*ممكن نعرف السبب ؟

-عشان المدرسين مش مؤهلين اصلا أنهم يدروسو حاجه غير المناهج وأنهم يدرسو لغه وان ٩٩ من مدرسين الانجلش مش خريجين انجلش مش تخصصه اشهر مدرس ثانويه عامه انجلش خريج كليه زراعه بغض النظر أنه اشتغل علي نفسه كتير جدا وان نص اسكندريه بتروحله دي نقطه والنقطه تانيه ٩٩ ف الميه مدرسوش انجلش خالص  بيكون دارس الماده وشاطر جدا فيها
وذاكرت وبذاكر قبل كل حصه وبشتغل عليها بس فهي ميزة النظام الجديد أنه هيظهر الناس المتخصصه اكتر مش هيخلي الناس اللي مش متخصصه تشتغل لان النظام الجديد بيبقي عايز تتطبق الحاجات اللي انت درستها عشان تتطبقها عملي ف اللي مش عارف مش هيعرل يطبق فأنت كمدرس بتعرف تشرح هتقرا الكلام وتشرحه للناس غير لو انت مش فاهمه عمرك ماهتعرف توصله للي قدامك هتوصله نقط مش اكتر

*ممكن تقولنا  عن سياسة تعامل حضرتك مع الطالب بالنسبة للجيم والالعاب؟

-بعمل كدا لأن مينفعش امشي بحزم اوي لان الحزم مطلوب اكيد بس مينفعش اخلي الدائره كلها شاده لأ انت بتهزر وانت بتصاحبهم وياريت أن انا اشجعهم علي لعب كوره ننزل الجيم مع بعض ممكن متمرنش بس اكون معاهم لأن المرحله دي ممكن تتدخل في سكك تانيه فخلينا ف السكه دي احسن حتي لو الطالب انحرف فتره وبعدين نقدر نرجعه فيبعد عن الحاجات الوحشه دي والنظره كمان أن المدرس بتاعك هو صحبك ف دي بتخليه أنه باصصلك في التعامل وكمان بيكون شخصيه شويه لان دوري زي دور الاب والام وفي مرحله الثانوي بيكون اكتر الوقت برا البيت فلازم نكون معاه

*ايه اللي بيخلي الطالب يجيلك كتعليم ومراقبه والاحتواء؟

-التخصص

*بس مش كل الناس فاهمه التخصص انت لسه قايل معظم المدرسين اسكندريه اللي عندهم طلاب مش متخصصين ؟

-لا بس الناس دي اشتغلت علي نفسها

*بس مش متخصص في الاخر؟

-بس محدش يعرف بس التخصص بيفرق مع الطالب والنظام والطريقة وانك تخلي العمليه بسيطه وانك بتفهمه اهم حاجه لانك مش بتتدرس منهج قد انك بتتعامل مع لغه فلما بيلاقي حد بيوصله الكلام دا وبيتعامل معاه وان هو ممكن يسأل المدرس سؤال يقف يلغي الحصه بسبب سؤال طالب ليه عشان مش عارفه فأنت التخصص مهم والنتائج موجوده والاراء بتاعت اولياء الامور والطلاب

*طب انت عندك بيدج؟

– عندي بيدج بس الكبيره اتسرقت كان عليها ٢٥ الف وعملت حاجه غيرها بس لسه من فتره قريبه

*طب بتستغلها وبتنزل الريفيو عليها ؟

– بنزل عليها كل حاجه

*بتنزل عليها ايه بالظبط يعني انت بتستغل السوشيال ميديا بتاعتك ازاي ؟

بنزل عليها التكريمات والمواعيد والأماكن والاعلانات

*كان السنه اللي فاتت نتيجه ثانويه عامه ٣ ثانوي النتائج ايه اخبارها معاك؟

-احنا المتوسط معايا كان ٤٥ من٥٠ في اعلي وفي اقل مفيش حد قل عن٤٠

*أولياء الأمور مين ماسك الدائره بتاعتهم؟

-انا والاسيسينت بنمسك الدنيا والاسيسينت اكتر وفي متابعه معاهم بشغلهم يومي لان انامحتاج اسيستيت في تعليم الواجب ومتابعه والتقارير وانا بعمل تشيك اب وانا اللي بعمل نموذج التصحيح بس أنا اللي بتابع كمان

* بس أولياء الأمور بيختلف التعامل معهم عن التعامل مع الطالب ؟

– كل شخص بيختلف عن التاني بس أولياء الامور  لقو الطالب مستواه كويس فخلاص بيطمن

* ممكن تكلمنا عن الثقة المتبادلة بينك وبين اولياء الامور ؟

الثقه بيني وبينهم عن طريق النتائج والتحسن ف اللغه وعن طريق التقارير اللي بتتبعت وفي اتصالات علي طول بالاهالي

* بالنسبة للجانب التحفيز والمتابعة بالطالب ؟

-بنعمل امتحانات اسبوعيه بعد  كل حصه وبنعمل امتحانات شهريه علي كل يوينت أو يوينت ونص علي حسب المرحله اللي بنخلص فيها يعني ف اعدادي بنخلص يونيت ونص ف الثانوي بنخلص يونيت لان بيكون اكبر وبيخلص في ٣ اسابيع والاسبوع الرابع مراجعه وبيكون الامتحان الشامل بعدها لانك بتحل ف ال٣ اسابيع ٢٥٠ سؤال وفي المراجعه ١٥٠ او ٢٥٠ سؤال فبتكون غطيت كل انواع الاساله علي اليوينت كلها وفي المراجعات بنعمل حاجه اسمها معسكر بيكون يوم كامل او يوم ونص ف نص الترم وفي آخر الترم في نص الترم بتحل ١٥٠٠ سؤال مع ثانوي في يوم كامل حوالي ٦ ساعات في اولي وتانيه وتالته ثانوي

اقرأ أيضًا:

• طارق الشناوي: قائمة الأجور مفبركة والقوائم موجودة منذ زمن ولها منطق

• شيرين عبدالوهاب تتقدم ببلاغ ضد شخص استولى على قنواتها وصفحاتها الرسمية

• تحذير عاجل من الأرصاد: مرتفع جوي يضرب البلاد.. وأتربة ورمال مثارة على جميع الأنحاء

• التجمع يناقش مقترح مشروع قانون الأحوال الشخصية الجديد ببني سويف 

• الصحة: تفعيل خدمة الإقلاع عن التدخين في 14 عيادة بمستشفيات أمانة الصحة النفسية

• وزير الرياضة يهنىء منتخب مصر بالفوز بكأس إفريقيا للبومزا برواندا

• منطقة الإسكندرية الأزهرية تعلن فتح باب التظلمات على نتيجة الدور الثاني للشهادة الثانوية الأزهرية

• البنك الأهلي المصري يوقع اتفاقية مع مكتب أبو ظبي للصادرات لفتح خط ائتمان بقيمة 100 مليون دولار لتنمية الصادرات الإماراتية

نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.