نفس المكان

بقلم /هند البليدي

مشاعرنا ديما بتودينا في الطريق الغلط مع انها صافيه وطيبه..

تملي تهدينا ضحكه من القلب دقتها قريبه..

فيها ممر سفينه بس بوصلتها متغربه..

ومسارها طريقه عتمه في موجه عاليه متشحططه..

وتملي الموجه بتحدفنا علي شط غريق في نار..

يا خساره يابحر بقيت غدار مكار..

وتملي فيك بتخدعنا كل مبنوثق بتغرقنا ونقول احنا شطار..

عاشقين الهم والتوهان وحياتنا في خيالنا امان..

حقيقتنا ادام مريتنا بيظهر فيها العنوان..

وقلوبنا دايما تمحي سكوتنا وقصتنا كان يا مكان..

كنا زمان بنخاف علي بعض كنا بنكره طعم البعد..

و تملي نحب القرب والحب محاوط بيتنا و عمر الكره مشاف سكتنا..

و الناس كلها احباب واخوات وقت الشده الكل معاك..

وقت المحنه سندك وحماك..

وفي نجاحك تلاقي الناس كلها سمعاك..

لكن ياخساره كان يا زمان مش دلوقت..

عدي قطر المحبه وفات..

الكل نفسه ثم لنفسه ومش اكون وياك..

راحت البركه والخير والصحبه الحلوه وانت قاعد لوحدك في نفس المكان..