أسطورة نقلت
صورة
عاشت بينا
ألف حياه
من غير ميعاد
ولا ترتيبات
كان اللقا نداه
الصدق قابل
الكذب مره
جوه طريق
الآه
الكذب قال:
يومنا جميل
ونسيم عبير
محلاه
سماه وأرضه
ورده وشجره
بينادوا يلا
نبدأ حياه
الصدق اول
مره يلقى
الكذب صادق
والجو فعلا
مالوش مثيل
وعلى الكلام
مليون دليل
.الكون بيضحك
ألف ضحكة
ب100 صدى
يادى الهنا
يادى الرضا
الكذب قال
اليوم ده يومنا
لوحدنا
نعيشه نشبع
م الهنا
وصلوا بحيرة
ف الجمال
الله عليها
ف الخيال
الكذب قال
الميه بتنادى علينا
علشان نبلبط
و نقضى يوم
الميه
حاجه منعشه
بينا نعوم
من غير خلاف
ولا عكننه
خارج نطاق
أنت وأنا
ده مره تانيه
الكذب صادق
والميه
أجمل م الجمال
وهم وخيال
حاجه ترد
الروح صحيح
نزلوا وعاموا
بالصريح
وقضوا يوم
لعب وهزار
والكد ب كان
عنده قرار
الكذب فجأه
بدون ميعاد
خرج وناوى
ع البعاد
لبس هدوم
الصدق
من غير
خشا
وفر دوغرى
م المكان
فجأه اختفى
جوه الزمان
الصدق م الميه
خرج
فين الهدوم
فين الرفيق
الكذب ده
ألعن صديق
فينك يا كذب
عايز هدومى
ازاى اقضى
كل يومى
معقول أعيش
عريان كده
دور وفتش
ف المكان
نادى ف كل
الاتجاه
الكذب سابنى
بدون هدوم
اتجمعت
كل الخلايق
من الصحارى
والحدايق
وكل ده من
غير ميعاد
زى الطوفان
المحورى
راكب عناد
الكل دارى
ف الوشوش
قالوا بصوت
مافهوش رتوش
يا صدق عيب
ازاى نشوفك
من غير هدوم
ده عار
مايمحيه الزمن
الصدق صرخ
بأعلى صوت
أنا اتسرقت
انا اتخدعت
الكذب خانى
ياخلق هوه
بصت عيون الخلق
قالت ألف رد
من غير كلام
ولا حتى شد
ارجع ودارى
جسمك ياصدق
جوه البحيرة
تعيش حياتك
بدون كلام
ولا اعتراض
ولا ملام
الصدق كاذب
وانهزم
جرجر كسوف
خيبه قويه
وراح لميه
تدارى عريان البدن
جوه البحيرة
واتسجن
الصدق شاف
الكذب ماشى
بهدمته
عايش وسارق
همته
ماشى ولابس
عمته
الكذب نادى
بصوت صديق
من النهارده
انا الرفيق
انا الامان
كل الحنان
كل الامانى
اتحققت
وكل رغبات البشر
الكذب حقق
حلمهم
والكدب من يومها
انتشر
عاش ف البشر
من يومها
والعالم كده
الكذب صادق
مافيش كلام
والصدق كذاب
ف الوئام
الكذب لابس
هدوم الصدق
عادى
مافيش قلق
موضوع مكرر
واتحرق
اما محال
الصدق يطلع
للعيان
مرفوض يعيش
جوه الأمان
علشان ظهر
ف يوم زمان
وللأسف
كان عريان
عيش يا ابن آدم
كما تدين تدان
عن أسطورة الصدق والكذب
