الاستاذ محمد حسن مدرس مادة الجغرافيا لطلاب ثانوية عامه في حوار شيق للرأي العام المصري
الاستاذ محمد حسن مدرس مادة الجغرافيا لطلاب ثانوية عامه في حوار شيق للرأي العام المصري عن كل مايخص الطلبة لمادة الجغرافيا
حوار:هبه عادل
الاستاذ محمد حسن علم مدرس الجغرافيا يهتم بدراسة مظاهر سطح الأرض والظواهر الطبيعية والبشرية عليها ودراسة التأثير والترابط الانعكاسي بينهما، وتقوم على أساس الموقع والموضع.
فكان للرأي العام هذا الحوار الممتع مع الاستاذ محمد حسن عن كل ما يخص علم الجغرافيا وما يخص الطالب الثانوي.
*نبذة تعرفيه عن حضرتك؟
** الاستاذ محمد حسن مدرس جغرافيا ثانويه عامه بدأت التدريس بعد تخرجي من الجامعه وخلصت كليه الاداب جامعه الاسكندريه دفعه ٢٠٠٥بدات التدريس على طول في المراحل الثانويه العامه واشتغلت في مدرسة طه حسين بنات لمده خمس او ست سنين بعدها تفرغت المعاهد والسناتر في الاسكندريه والحمد لله.
*لماذا اردت ان تكون معلم؟ بهذا التخصص؟
** في الاول مكنش ميولي ان انا اكون مدرس لان كان اهتمامي في ثانويه عامه اني ادخل كليه تربيه رياضيه او اي كليه عسكريه ولما لقيت الدنيا اتقفلت فدخلت كليه اداب وليه جغرافيا قلت القسم ده ليه مستقبل بس سبحان الله بعد ما اشتغلت على طول بعد التخرج في المدرسه لقيت نفسي في مجال التدريس كمعلم لمادة الجغرافيا فربنا كرمني وطبعا ده توفيق من ربنا
*هل تعتبر الماده الجغرافيه من المواد السهله في الدراسه؟
**ماده الجغرافيا هي ماده ادبي وعلمي عايزه طالب بيفهم مش بيحفظ ولسوء الحظ الطلبه من الاعدادي بيردد فاخذ على الترديد وحفظ الجغرافيا والتاريخ فبيطلع ثانوي اصبح في صعوبه بالنسبه له في الفهم لكن هي كماده هي ماده سهله ويعتمد على الفهم و الطلبه العلمي ثانويه عامه بتدرسها كماده علميه كالجيولوجيا هو علم القشره الارضيه فهي ماده بتعتمد على الفهم وليس الحفظ.
*اخبارنا عن خبرتك مع مختلف المراحل العمريه التي تقوم بالدراسه لها؟
**الفكر بتاع طالب اولى ثانوي لازم انزله لتحت و ساعات يتغاطى المدرس بجزء كبير من شخصيته لأن طالب اولى ثانوي بالنسبة لنا لسه صغير و بس بعدها بيبدا واحده واحده بيوصل ثانيه الشده بتزيد شويه عليه والاسلوب بيختلف شوية ولما يوصل ثالثه خلاص الطالب بيفهم انه مصلحته المدرس لو المدرس غير مسيطر علي الطالب مش هيذاكر ويجيب مجموع
بس تدرسي للمراحل بيكون علي حسب كل مرحله وليها اسلوبها العام مع الطالب.
**صفات المعلم الناجح من وجهه نظرك؟؟
** ان المدرس في الوقت الحالي يكون عنده قدر معلومات وطبعا قدر المعلومات مش ماشي الفتره دي مع الجيل السوشيال ميديا ويمكن المدرس مش متخصص بالمادة يمكن يعجب الطالب ويروح له مع ان المدرس مش بيشرح حاجه و الماده فاضيه بالنسبه له بس الطالب حاسس انه الماده سهله وخفيفه فا السوشيال ميديا بالنسبه كبيره أثرت علي التعليم.
*طريقه حضرتك في تحفيز وتشجيع الطالب؟
**تحفيز الطالب اهم حاجه انه يصل الى كليه القمه انا خريج كليه الاداب وبعز كليه الاداب جدا جدا ونفسي الطالب يدخل كليه اداب قسم جغرافيا بس رغم كل ده لازم اقول له عايزك تدخل ألسن عايزك اقتصاد وعلوم سياسيه لان كل ما ابص لفوق هعرف ادخل الكليه بعدها تربيه او اداب لكن انا لو بصيت اداب بس او تربيه بس هجيب اقل منها ممكن مش ادخل حاجه ويمكن انا ادخل معهد فا الكليات القمه بتحفز اي طالب على المذاكره انه يوصل و طبعاً حبي للطالب وقربي للطالب بيبدأ اني اخليه يذاكر ويتعامل مع الماده كويس.
*هل قمت بادخال التكنولوجيا في مجال التدريس؟
**اه طبعا لان الماده الجغرافيا تقوم بشكل كبير على التكنولوجيا وهي طورت المادة فانا لازم افهمه واشرحله التقنيات الحديثة يمكن بنسمع عنها لكن وانا بشرح الجغرافيا انا بعرفهم على استخداماتنا لحاجه اسمها استشعار عن بعد او حاجة اسمها نظم المعلومات الجغرافية او الاتصالات السلكية واللاسلكية بشرح على كل الكلام ده لانه يعتبر نظام حديث وكل ده تكنولوجيا و انا طبقته على المادة بتاعتنا.
ممكن نصيحه من حضرتك لأولياء الأمور؟
**ان ولي الامر يركز مع الطالب كويس جدا جدا من الاخر وولي الأمر هو الاساس لان معظم الطلبة لا اعتقد عندهم قدر كبير من المسؤوليه ولا فاهمين اي حاجه فولي الامر عليه حافز كبير يعني المفروض ولي الامر يساند المدرس ويعود ابنه على مسألة الشدة لازم يذاكر ولازم يتعلم لكن للاسف احنا شايفين في الواقع ان ولي الأمر ضد المدرس وبيدلع ابنه يمكن يجي على المدرس لان ابنه اتهان فولي الامر سايب الصلاحيات لابنه فا مش احنا اللي هنعالج الطالب في كل الأحوال.
**ممكن كلمه اخيره تنصح بيها طلابك؟
** ربنا يوفقهم يا رب واشوفهم في احسن الكليات واشوفهم احسن مني في يوم من الايام حتى لو حد اصبح مدرس فا اتمنى يكون احسن من حاجه اسمها مستر محمد حسن.
اقرأ أيضًا:
البنك الأهلي المصري يوقع اتفاقية مع مكتب أبو ظبي للصادرات لفتح خط ائتمان بقيمة 100 مليون
بنك مصر 50مليون جنيه لدعم مشروعات التمكين الاقتصادي بقرى “حياة كريمة” في 7 محافظات
رئيس «الرقابة الصحية»: «الجودة» هي الفارق بين الخدمة الصحية المنظمة والعشوائية
البنك الزراعي المصري يطلق قرضاً جديداً للمساهمة في مصروفات التعليم لأبناء المزارعين
دكتور عُمر الشوربجي مدرس و استشاري المناظير الجراحية النسائيه و المشيمة الملتصقه
الدكتور محمد حسن زيتون استشاري امراض الباطنة والسكر ودهون الدم في حوار خاص للرأي العام المصري
القنصلية الايطاليه بالاسكندرية تحتفل بمئويه سيد درويش بشدو الفنانه لقاء سويدان
بنك القاهرة يواصل تحقيق أرقاماً قياسية في نتائج أعماله خلال النصف الأول من عام 2023
نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.