وحشتوني بقلم سناء العاجز
وحشتوني
يا غمراويه وحشتوني
يا اهل بلدى وحشتوني
ميت غمر صورتك في عيوني
يا غمراويه وحشتوني
وحشاني شمسك على نيلك
من بدري أصحي أغنيلك
من شعري أجمل أغنيه
لو كنت فين أجري وأجي لك
اغزل حروفى فى مواويلك
بين الشقي والحنيه
عاشقة لترابك و هواكي
ولا عمري أقدر أنسا كي
أبعد أسيب قلبي معاك
دقاته نبض الحرافيه
وش البلد يا صباح الخير
رجاله بتغني مع الطير
وتروس مكن تحكي مع السير
إبداع وفن صنايعيه
ومهما أطوف وألف بلاد
حضنك دافئ ونسيمك زاد
ملكني قلب أمير حماد
جمع الفنون في الأثرية
النيل بيحضن الكورنيش
يا مجمعه كل الدراويش
بعشق ترابك مبيمشيش
ينده يجيب الأوليه
فيكي الإمام الشعراوي
سكن القلوب خلد ذكراه
الكل قال عنه حكاوي
عطر قلوبنا بذكر الله
عطر قلوبنا بذكر الله
اقرأ أيضًا: