تداعيات الشوق والوجع
تداعيات الشوق والوجع
كتب .. اشرف زيدان
زمان كان الكبير يتكلم والآخرون يستمعون وبقولوا كلام الكبير ميزان ومسموع
زمان علمونا اللي ما له كبير مالو تدبير
زمان علمونا الحفاظ على النعمة .بوس الخبزة وحطها على جبينك,وعلمونا الدنيا يوم معك ويوم عليك
زمان كانت الحارة تفرح سوى وتحزن سوى وتلتم بالعزا والفرح
زمان كانوا إيد وحدة وكلمة وحدة بتوحدن الدمعة وبتوحدن الزلغوطة .
زمان ليس ببعيد كنا نقول فلان أبوه بتبرطل يا عيب الشوم بربّي أولاده على الحرام.
زمان كانوا يقولون لنا لا تشتر من عند فلان ,ميزانو غير مظبوط وبكتب زيادة
زمان كانوا يقولون فلان الله يرحمو بخاف الله بحط مقابل كفة الميزان كيس أو ورقة
زمان علمونا شو طبخت ؟ بقلك خير الله تفضل خير الله كتير أختك ما بتقصر
زمان كنا في الملاعب نسب الحكام بعبارة على المدرسة يا حكم
زمان كانوا في المدرسة يقولون لنا بكرة في تفتيش على الكتب والدفاتر والأظافر والشعر
زمان كنا نحفظ نشيد الجزائر وفلسطين وبلاد العرب أوطاني والله أكبر
زمان كنا نطير فرح لما نروح على الحديقة العامة ونلبس ثياب العيد
زمان كنا نستنى العرض العسكري والشعبي بمناسبة عيد الجلاء ويوم الوحدة وعيد القطن
زمان كنا نحجز سلفا عدد مجلة العربي قبل وصولها أيام الدكتور أحمد زكي
زمان كنا نشوف مباريات لفرق مشهورة على ملاعبنا ومن زمان كنا نشوف الممثلين والممثلات شخصيا في دور السينما
زمان كان في حلب أكثر من عشرين صحيفة ومجلة والكثير من الأندية الثقافية والاجتماعية
زمان كنا إذا شفنا أستاذنا نهرب منه وتاني يوم يسألنا ويحاسبنا
زمان كنا نتعلم صنعة مع ذهابنا للمدرسة وكانوا يقولون لنا صنعة باليد أمانة من الفقر
زمان بعنا خبيصة وقراص بعجوة ومسكة شكلس وغيرها شان نطالع مصروفنا
زمان كنا نخجل يقول واحد أنا باخد دروس خصوصية
زمان عيب الأستاذ يدرس طلابه بالفلوس
زمان كان الأستاذ يساوي دروس إضافية ومن زمان اللحم له والعظم لأهلنا
زمان الجار بخير إذا كان جاره بخير ..
