خارج نطاق الخدمه
خارج نطاق الخدمه
كلمات/ أيمن البكري
خارج نطاق الخدمه
ومن أزمه ل أزمه
عايش ماليش لزمه
ودنيا كتير أسيه
إديتني ب الجزمه
ولا عايش ولا ميت
ولا ميت ولا عايش
تايه ومش عارف
ومش لاقي نفسي
أعمي ومش شايف
لا قادر أقف ولا قادر أمشي
من كتر أحزاني بقيت مبحلمشي
دوري ف الحياه مجهول
ضهري من الحمول مكسور
صعبانه نفسي قوي عليا
دموعي مصاحبه عنيا
ومعايا ديمن علي طول
من عين الناس بتخفي
تعبت مناهده ومعافره
ولما وقعت وإتهديت
بصيت حواليا لقيت
أقرب ماليا
فرحان فيا وبيتشفي
ملامح وشي مش باينه
والناس كلها خاينه
نفسي أعيش ف زمن تاني
وأقابل ناس تانيه
وأحس براحة البال
ف عمري حتي لو ثانيه
شايفاني ليه ضعيف وجبان
أنا والله العظيم إنسان
ماشفتش فيكي أي أمان
وإنتي والله العظيم فانيه
قليل البخت من يومي
وكتير قوي قابلوني
سنين صعبه وناس حابه
تشوف الدمعه ف عيوني
حبيبه الحب أه باعتوا
وصاحب خلف وعده
وأخ مش سند خالص
وقلب وهات إل بعده
ف قايمة إل باعوني
كتير كنت ملاك طيب
وقالوا عني أناني
وسط ناسي ومتغرب
وحاسس إني واحد تاني
فاكرني ضعيف مش قادر
ومن مشاكلي بهرب
دعيت من كل قلبي
وقولت ياربي
خد حقي من كل إل ظلموني
إقرأ ايضا
- نماذج قصصية رائدة للكاتب يوسف إدريس بثقافة الدقهلية
- محافظ القليوبية يتفقد طريق خط 12 و أعمال تطوير كوبري عرابي وأعمال النظافة بشوارع مدينة شبرا الخيمة
- رؤيه جديده تليق بالجمهورية الجديدة.. ضخ دماء شابة بحزب حماة الوطن بالإسكندرية
- محافظ المنوفية ورئيس شركة المياه يضعان حجر أساس إنشاء المبني الإداري الجديد للشركة
- محافظ الشرقية يُتابع أداء ملف تقنين أراضي أملاك الدولة
ونقدم لكم من خلال موقع (الراي العام المصري)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.