انت تقدر تلعب كيك بوكسينج؟!
احمد عادل
طبعا تقدر بس تعرف ليه انت تقدر! اصلها مش بس رياضه تدافع أو تدافعي بيها عن نفسك
لا دي كمان هتزود ثقتك بنفسك وتخلي عندك ثبات انفعالي
ومش بس كده ، دي كمان هتساعدك تخرج كل الطاقه السلبيه اللي جواك/ي اصلها رياضه مناسبة لكل الاعمار السنية ومناسبة للولاد والبنات
ملحوظه للبنات الكيك بوكسينج بيعلي معدل الحرق ويساعد على خسارة الوزن
علشان كده تم تنفيذ يوم رياضي بمركز شباب العمرواي يوم الاثنين من ضمن برنامج مبادرة انت تقدر تدريب كيك بوكسينج للفتيات للدفاع عن النفس ضد التحرش
مع الكوتش محمد بهجت مدرب كيك بوكسينج
ومن الجدير بالذكر أن مبادرة انت تقدر هي أحدي المبادرات ضمن المرحلة التجريبية لمشروع تكافؤ الفرص التابع لوزارة الشباب والرياضة و وزارة التضامن الإجتماعي بالتعاون مع الحكومه الالمانيه بتنفيذ الوكالة الألمانية للتعاون الدولي
والمبادرة هدفها مقاومة الظواهر السلبية في المجتمع وتتصدي لجريمتي التنمر والتحرش من خلال نشر الوعي المجتمعي خاصه لدي فئة الشباب
و سوف يتم فيها مجموعة من الندوات والمحاضرات وتدريب دفاع عن النفس للفتيات وعرض مسرحي
مؤسسة المبادرة ا. هبه شتيوي و يشترك معاها مجموعه من المتطوعين و أعضاء للمبادرة في التنفيذ