بنت مصر
بقلم غاده عبد المنعم
هى بنت مصر
دايما بتحبها
ولدت على أرضها
شربت من نيلها
عايشه فى خيرها
دكتوره او مدرسه
صحفيه او مهندسه
او ست بيت
أو فلاحه فى الغيط
تلاقيها دايما
ناجحه ومشرفه
من صغرها بتحب
بلدها
وعاشقه ترابها
لو خيرو ها فى حب
بلدها ولا
حبها لأهلها ونفسها
تختارحب بلدها
ماهى الوطنيه فى
دمها
ما هى بنتها
دى بنت مصر
أتولدت على أرضها
و تحميها وتدافع
عنها
من صغرها
حافظه الجميل
وعايزه ترده
لبلدها واهلها
حلفت وقالت
انا الست المصريه
اللى اتربيت
على الوطنيه
بحب بلدى
و أفديها
وعمرى وحياتى
ما هتغلى عليها
انا اتحدى العالم
بثقافتى
وعلمى وفنى
ست صحيح
متعلمه ومثقفه
او ست بيت
او فلاحه فى الغيط
تلاقيها ناجحه ومشرفه
الست المصريه
نجحت فى
كل المجالات
وبقيت وزيره وسفيره
ولها كلمه مسموعه
ومكانه مرموقه
بين كل البلاد
عايشه عشان
بس تدى وتفيد
ومن علمها وتربيتها
كلنا نستفيد
ربيت أجيال
وعلمت أبنائها
الوفاء
علمتهم يعنى ايه
يحمو أرضهم
علمتهم ما حدش
يتعدى على حقهم
علمتهم ما يخافوش
من اللى عايز
يطمع فى أرضهم
وعلمتهم ان مصر
بلدهم وامهم
من حقها عليهم
انهم يحموها
ويدافعوا عنها
وصتهم ان مصر
امانه
وحبها لازم
يكون جوه قلبهم
ما يبخلوش عليها
ويحموها
من اللى عايز
يحتلها ويستولى
عليها
ويقدموا أرواحهم
وانفسهم
هديه ليها
دى مصر
مش خساره فيها
نقدم كل خير ليها
هى دى الست المصريه