ملكة جمال الكون .. كلمات/ أيمن البكري
ولو كل العالم شايفك
حاجه عاديه
هتفضلي إنتي ملكة جمال الكون
في عنيا
هتفضلي حب عمري..حياتي وقمري
وأحلي حاجه حصلت ف الدنيا ليا
أنا لما بفتكرك بحس إني شايفك
كلامك وهمسك خدودك وشفايفك
حزين قوي بعدك كسرتني السنين
ألف حاجه بتوجعني
مش عارف إنتي فين
ولا عارف إيه إل حصلك
مشيتي حتي من غير كلمة وداع
لا همك شوقي وحنيني
ولا عمري إل عليكي ضاع
وكأنك بتقوليلي إنته مابقتش تفرق
سبتيني وأنا ف مركب بتغرق
ولو سألك حد عني بتقولي هو إل باع
أنا مهما إترميت بعدك إنتي
في ألف حضن تاني
عمري مالقيت غير ف حضنك إنتي
نفسي ومكاني
ومش مهم دلوقتي مين إل باع
ومين كان أناني
كل شئ إنتهي خلاص وضاع
وتاهت بينا المعاني
أسف لو بسبي عشتني لحظه خايفه
وأسف لو لسه شايفه إن أنا إل جاني
ولو كل العالم شايفك
حاجه عاديه
هتفضلي إنتي ملكة جمال الكون
في عنيا
هتفضلي حب عمري..حياتي وقمري
وأحلي حاجه حصلت ف الدنيا ليا
