لو إنت حبيبي

كلمات/ ماهر محمود

لو إنت حبيبي
دايما ليه هاجرني.
أمنتك أمانه.
بالخير إفتكرني.
وإن جه طيفي في منامك.
إبقى تعالي زرني..
لوإنت حبيبي.
ليه دايما ناسيني.
بايعني ولا شاريني.
ليه سايبني لنارك.
والعذاب يكويني.
لو إنت حبيبي.
ليه على البعد بتقدر.
وأنا إللي فيك بفكر.
إزاي تنام ليالي.
وسايبني لوحدي أسهر.
لو إنت حبيبي.
مش عايز حاجه منك.
تعملها غصب عنك.
مدام إخترت بعدي…
أفضل حرماني منك.
وتبقى مش حبيبي.
لوإنت حبيبي.