الرئيسية
انسى ياقلبي كل همومك .. بقلم مصطفى سبتة
انسى ياقلبي كل همومك
واقفل بابك على احزانك
واوعى الدمع يبان فى عنيك
وانسى ياقلبى وعيش ايامك
بكره الفرح ينادى عليك
لسه العمر طويل قدامك
خلى شبابك يفرح بيك
مهما ليالى الحزن تطول
اوعاك تيأس ولاتقول
حظى يادنيا تملى ناسينى
اصبر وانت اكيد هتنول
لسه العمر طويل قدامك
خلى شبابك يفرح بيك
واقفل بابك على احزانك
واوعى الدمع يبان فى عنيك
شمس الحب هتطلع لينا
مهما تعبنا ولاقاسينا
افرح بس ياقلبى وعيش
بكره نحقق سوا امانينا
لسه العمر طويل قدامك
خلى شبابك يفرح بيك
واقفل بابك على احزانك
واوعى الدمع يبان فى عنيك
انسى ياقلبي كل همومك
