وعلى البـادى!..  بقلم الشاعر ” أحمد عفيفي “

وحلفت يمين
م أعود ولا اخلًِى ف قلبى
غرام
ولا طير العشق يوشـوش
عقلى بزيف وهُيام
ياما قِدت صوابع قلبى/
شموع ف طريقك
وركبت الشوق , وحايلته
عشان م يشيلنى واجيلك
وامًا اناديلك
الاقيكى فتلتى حبال الود
م بينى وبينك
أبــداً
م ح يروى النبع الآسـن
زهر العشق ف روحى
ولا عادت بسمة غدرك
بلسم يشفى جروحى
انسى غرورك
واضربى كف بكف/
ونوجى
ومهما تبوحى وتبكى أنا
موش ناسى
ان الموج ف البحر أرحم
من شطك
ولاتانى ح يشفى غليلك
خمرالحُب اللى ف كاسى
ولا يروى وريدك..رافد
من نهر فؤادى
أدً م تشكى , وأدً م تبكى
انا موش ناسى
انتى البادية..وعلى البادى!