حوار خاص مع أميرة عبد الرسول الحاصلة على مجموع 99.88%
كتبت : نرمين ناصر
1.عرفيني بنفسك
اسمي أميرة عماد محمد عبد الرسول من قرية عرفان مركز المحمودية محافظة البحيرة مدرسة الشهيد محمد احمد ناصر ترتيبي الثاني بين إخوتي الخمسة
2.مجموعي في الثانوية العامة
بتوفيق من الله مجموعي في الثانوية العامة 409.5 بنسبة مئوية99.88% وترتيبي الاولي علي مستوي الادارة والثانية علي المحافظة والرابعة عشر علي مستوي الجمهورية شعبة علمي علوم
3.ما قدر فرحتك عندما عرفتي مجموعك
بكيت من شدة الفرح وسجدت شكرا لله
4.ما دور اهلك في تحقيق هدفك ؟
أهلي دعموني كتير و وقفوا جمبي في كل حاجة مسابونيش لحظة من اول السنة وخصوصا أختي الكبيرة هي حاليا في كلية الطب وهيا كانت حافز كبير ليا اني أجتهد وأبقي زيها وافرح أهلي
5.ما المواهب التي تمتلكينها ؟
القراءة .بحب أقرأ كتب وروايات كتير
6.ماذا تنصحي شباب الثانوية العامة ؟
القرب من الله دي أهم حاجة لأن المذاكرة بجد مش هي كل حاجة ولازم علاقتك بأهلك تكون كويسة عشان رضا الوالدين دي حاجة جميلة جدا بيدعولك من قلبهم وأنصحهم كمان ميضغطوش نفسهم من الأول كل حاجة واحدة واحدة كدا يزودا ساعات المذاكرة بمرور الوقت والمذاكرة تكون أول بأول وبلاش يراكموا دروس عليهم
7.من الذي كان لها دور و دعم ليكي ف الثانوية العامة ؟
أهلي ساعدوني جدا وأختي الكبيرة خصوصا وقفت جمبي ف كل حاجة كانت متبعاني خطوة بخطوة بجد وأصحابي كمان ليهم دور كانو بيدعموني جدا وساعات كنا بنذاكر مع بعض بجد حابة اشكرهم جدا
9.هل كنتي تتوقعي هذا المجموع ؟
بصراحة لا أنا كنت متوقعة أجيب مجموع عالي فوق ال99% بس أمي هيا اللي كانت واثقة فيا جدا ومتوقعة تسمع اسمي في أوائل الجمهورية علشان كانت شيفاني قدامها بجتهد وبعمل ال عليا
10.ما الكليات التي كانت حلمك ؟
طب بشري .
