سامي وائل…قصة نجاح وكفاح

كتبت/ ايه حسين ابوبكر

شباب كثيرون لم يقفوا عند أعتاب الوظيفة التقليدية، بل استغلوا مواقع التواصل الاجتماعي وتطبيقات الإنترنت المختلفة في تأسيس عمل خاص بهم، وعرفوا كيف ينجحون من خلاله ويروجون لأنفسهم.

من هنا عرف “سامي” مصير طريقه وكيفية وصوله لقلوب متابعيه ، يبلغ سامي من العمر 20 عام ، ويدرس نظم ومعلومات ، ويقيم بالمنوفيه (قويسنا) .

بدأ “سامي” مشواره كمراقب جودة في شركة توشيبا العربي (من ٢٠١٥ في الشركة كـ طالب تدريب و بعد تخرجه من الثانويه الفنية قسم الإلكترونيات تم توظيفه “مراقب جودة ” بالشركة .

كمان هو صانع لمحتوى هادف علي اليوتيوب ” يوتيوبر ” ، وقائد فريق تسويق و مدرب في مؤسسة تعليمية بتقدم دورات تدريبية تساعد في تأهيل الشباب لسوق العمل، يعمل في السوشيال ميديا يدير صفحات و تسويق إلكتروني و حاصل على شهادة في التسويق الرقمي من جوجل .

السوشيال ميديا رغم التباعد قربت الناس من بعضها وكانت ملتقي الاحبة بسبب كثرة التطبيقات ومواقع التواصل الى الناس يقدرو دلوقتى يوصلو بيها لبعض كانهم عايشين مع بعض وانا راى ان السوشيال ميديا اصبحت رئة العالم فى مواجهة فيروس كرونا.
كمان هي عامل مؤثر قوي للتأثير في العالم و قادرة تغير حياة أشخاص و شركات و مشاريع و إقتصاد دول ، المستقبل في التكنولوچيا و التحول الرقمي، ومن اللازم نهتم في مصر بالبرمجة و الذكاء الإصطناعي .

وعن طموحه قال : في السوشيال ميديا إني أكون يوتيوبر ناجح في مصر و الشرق الأوسط و أعمل إعلانات لشركات كبيرة و أعمل أفلام قصيرة مُلهمة و هادفة و نفسي أكون أصغر موظف في جوجل زي ما بقيت أصغر موظف في العربي ،على الرغم إن البيزنس أفضل من الوظيفة، ولكني بطمح إني أستكشف آليات عمل الشركات اللي بحبها من الداخل فأحب أكون موظف في أكبر شركات التكنولوچيا زي فيسبوك و مايكروسوفت و جوجل و بجانب وظيفتي يكون عندي البيزنس الخاص بيا .

نصيحته للشباب …إنهم يسعوا و ميستنوش المصروف من الأب او إن حد يشجعهم علشان ينجحوا،و لازم الهدف ميكونش سهل،لإن لو هدفك سهل يبقى أي حد يحققه،التكنولوچيا دلوقتي خليتنا منفتحين على العالم و نقدر نتعلم اي شيء من أي مكان في أي وقت
ياريت أقدر أسيب آثر في كل بيت في مصر،و كل أخ او أخت ليا يستفيدوا مني و من الخطوات اللي باخدها لإنها هتأكدلهم إن الشخص هو المتحكم في حياته لو توكل على الله و مستحيل أي شخص يأثر
عليك فمينفعش تستنى حد يشجعك

أنا مثلاً والدي و والدتي متوفيين و أنا عمري 10 سنين بس قررت أكون مختلف.
إن ظننت أنك قادر على فعل شيء أو غير قادر على فعل نفس الشيء فكلاهما صحيح، قرب من ربنا و صدقني مع توفيق من ربنا و إرادتك هتنجح .