مرحلة اللامبالاة بعد الوجع

كتبت: سناء العاجز

اوقات كتير الانسان بيوصل لمرحلة إسمها مرحلة اللامبالاه  ، دى احلى مرحلة هتعيشها ف حياتك بعد فتره كبيره عقلك وقلبك أُرهقوا فيها ودى المرحله اللى بتوصلها بعد الفقد الكبت و العشم اللى مكانش فـى محله وقلة التقدير التجاهل والإستهتار بمشاعرك و عدم احترام الآخرين لضعفك قدامهم دى المرحله اللى هما بيوصلوك ليها يرجعوا يقولولك انت إتغيرت ليه ويفتكرو نفسهم مظلومين لا أبدا انا متغيرتش انا فوقت
هتحتاج تكون لوحدك علشان تاخد قرارك بالاستمرار وانت صابر على كل الوجع ده ولا تضع نهايه لوجعك هتتعب فى الاول بعدين تتعود على كده زى ناس كتير ارهقتهم الحياة

هتلاقى نفسك اول ماتوصل للمرحله دى اوتوماتيك كده بتتحول لشخص تانى مش عايز اى حاجه زهق اتوجع
اصبح عنده قناعه ان مافيش حاجه ولا حد يستاهل ياخد مساحه من روحك وتتعب نفسك وقلبك عليه ولا هتسمح بعد كده لاى حاجه او لاى حد انه يقرب من منطقه معينه ف قلبك ويدمرها .

وكمان متأكد ان فى ناس ماكنش ينفع يدخلوا حياتك ولا قلبك لانهم بيضيعو وقت معاك لما يكون عندهم وقت فراغ بس وانك مجرد لعبة او سيجارة فى اديهم خمسة ويدسوها برجليهم .

وعلى فكره ده مش تشاؤم ولا قلوب سودا ومش هنبقى زى الناس ال ضرونا وعيشونا الوهم على اصوله احنا بس من كتر الوجع ال مرينا بيه فى حاجات ماتت جوانا ومش هتعود
واخيرا ليس كل ما تكتبه من واقع حياتنا الشخصية