شيرين عادل: سبب النجاح المستمر لأعمالي القديمة هو نوعية المواضيع.. ولازم أواكب العصر وأحداثه

النجاح
شيرين عادل: سبب النجاح المستمر لأعمالي القديمة هو نوعية المواضيع.. ولازم أواكب العصر وأحداثه
كتبت/ مي عبد المجيد
أعربت المخرجة شيرين عادل، عن سعادتها باستمرار الجمهور في مشاهدة أعمالها القديمة، التي مر على إنتاجها العديد من الأعوام، مثل مسلسل العار ودلع بنات، كما كشفت سبب النجاح الدائم لتلك الأعمال حتى يومنا هذا.
وقالت شيرين عادل خلال تصريحات خاصة : بتبسط جدا لما بشوف أعمالي القديمة زي مسسلات الريان والعار ودلع بنات، بيتشافوا لحد دلوقتي برغم عرضهم من أكثر من عشر سنين، ولما بيتعادوا دلوقتي بقعد أتفرج عليهم، وبكون نسيت الأحداث فبتفرج كأني معرفش اللي هيحصل، ومش كأني أنا اللي عملت ده، وببقى مبسوطة لما بلاقي رد الفعل ده والناس حابة تتفرج على الأعمال دي
وكشفت شيرين عادل، سبب النجاح المستمر لتلك الأعمال، قائلةً: كنا زمان بنعمل الأعمال دي بروقان وكنا بناخد وقتنا صح والعمل بياخد وقته في التحضير والتصوير والكتابة، وكنا بنصور في وقت كويس وشكل الإنتاج كان مختلف عن دلوقتي، وكذلك المواضيع نفسها، يعني دلوقتي إيقاع العصر اتغير وكان زمان المسلسلات اجتماعية وعائلية وهي دي الحاجات اللي بتعيش، لكن دلوقتي المواضيع بتعتمد على الإثارة والأكشن والمواضيع العصرية
أكدت شيرين عادل، أنها تحاول مواكبة العصر في أعمالها، والحفاظ على الهوية الاجتماعية التي طالما اتبعتها في أعمالها، قائلةً: أنا برضه بحاول أعمل ده وأواكب العصر زي ما عملت في مسلسلات النمر وهوجان، كانوا أكشن ومواكبين لأحداث العصر، لأن إحنا في النهاية لازم نتطور ونتغير ونشوف الدنيا رايحة فين، وفي نفس الوقت بحاول لسة أحافظ على التيمة الاجتماعية في الأعمال
قدمت شيرين عادل العديد من المسلسلات البارزة على مدار مسيرتها الفنية، من بينهم مسلسل العار، الذي عرض في عام 2010، وشارك في بطولته كل من الفنان أحمد رزق، مصطفى شعبان، وآخرين، ومسلسل دلع بنات بطولة الفنانة مي عز الدين، وكذلك مسلسل الريان، بطولة الفنان خالد صالح.
اقرأ أيضًا:
ندوات الإستخدام الخاطئ لمواقع التواصل الإجتماعي
الرئيس يوجه بمواصلة تطوير قطاع الأعمال والتوسع في استخدام السيارات الكهربائية
مجلس جامعة المنصورة يستعرض تقريرا عن الاختبارات الالكترونية بالجامعة
وزير الزراعة يبحث مع المستثمرين العرب والأجانب فرص الاستثمار الزراعي والسمكي في مصر
محافظ الإسكندرية: دمج شبكة الأمطار بالصرف الصحي تم بدون دراسة وتسبب في غرق الإسكندرية
الجيش المصري يتقدم في الترتيب العالمي والأول عربياً وافريقياً
نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.